बागलुङमा थप १ सय ३२ जनालाई कोरोना संक्रमण पुष्टि

बागलुङ, ३० बैशाख । बागलुङमा थप १ सय ३२ जनालाई कोरोना संक्रमण पुष्टि भएको छ ।

बिहिबार धौलागिरी अस्पतालको ल्याबमा गरिएको पिसिआर परिक्षणमा बागलुङ जिल्लामा थप १ सय ३२ जनालाई संक्रमण पुष्टि भएको हो ।

जिल्ला स्वास्थ्य कार्यालय बागलुङका कोभिड–१९ फोकलपर्सन देवप्रकाश घिमिरेले बागलुङ नगरपालिका, बडिगाड गाउँपालिका, काठेखोला गाउँपालिका, जैमिनी नगरपालिका, गल्कोट नगरपालिका र ताराखोला गाउँपालिकाका १ सय ३२ जनालाई संक्रमण पुष्टि भएको बताउनुभयो । उहाँले सबैभन्दा धेरै गल्कोट नगरपालिकामा ५३ जनालाई, बागलुङ नगरपालिकामा ४५ जनालाई, काठेखोला गाउँपालिकामा २८ जनालाई, जैमिनी नगरपालिकाका ३ जना, ताराखोला गाउँपालिकामा २ जनालाई र बडिगाड गाउँपालिकामा १ जनालाई संक्रमण पुष्टि भएको बताउनुभयो ।

यस्तै धौलागिरी अस्पतालको ल्याबमा गरिएको पिसिआर परिक्षणमा पर्वत जिल्लाको कुश्मा नगरपालिकाका दुई जनालाई संक्रमण पुष्टि भएको छ ।

संक्रमितहरु स्थानिय तहहरु र धौलागिरी अस्पतालले निकालेको स्वाब परिक्षणबाट पुष्टि भएका हुन् ।

एक जवाफ छोड्न

Please enter your comment!
Please enter your name here