
बागलुङ, ३० बैशाख । बागलुङमा थप एक कोरोना संक्रमितको मृत्यु भएको छ ।
धौलागिरी अस्पतालमा उपचाररत कोरोना संक्रमित बागलुङ नगरपालिका वडा नम्बर ४ का ७७ बर्षिय पुरुषको बिहिबार विहान निधन भएको जिल्ला स्वास्थ्य कार्यालय बागलुङका कोभिड–१९ फोकलपर्सन देवप्रकाश घिमिरेले जानकारी दिनुभयो ।
धौलागिरी अस्पतालमा बैशाख २८ गते भर्ना भएका उनको आज (बिहिबार) विहान ७ बजे उपचारको क्रममा मृत्यु भएको फोकलपर्सन घिमिरेले बताउनुभयो ।
यससँगै बागलुङमा कोरोनाबाट मृत्यु हुनेको संख्या १८ पुगेको छ ।









