बागलुङ, १५ बैशाख । बागलुङबाट तनहुँ जाँदै गरेको बस हेम्जामा दुर्घटना भएको छ ।
बागलुङबाट तनहुँ जाँदै गरेको ग १ ख ९२९७ नम्बरको बस आज (शनिबार) साँझ ७:३० बजे अनियन्त्रित भई दुर्घटना हुँदा १६ जना घाईते भएको जिल्ला ट्राफिक कार्यालय कास्कीले जनाएको छ ।
जिल्ला ट्राफिक कार्यालय कास्कीका वरिष्ठ प्रहरी नायव निरीक्षक नीलबहादुर खड्काले बसमा ३६ जना यात्रु सवार रहेको र १६ जना यात्रु घाईते भएको जानकारी दिए ।
घाइतेहरुको गण्डकी मेडिकल कलेज पोखरामा उपचार भइरहेको उनले जानकारी दिए । घाइतेहरुको स्वास्थ्य अवस्था सामान्य रहेको जिल्ला ट्राफिक कार्यालय कास्कीले जनाएको छ ।
तनहुँबाट बागलुङको पञ्चकोटका लागि गएको बस बागलुङबाट फर्किने क्रममा दुर्घटना भएको प्रहरीले जनाएको छ ।
सच्चाइएकोः बागलुङबाट तनहुँ जाँदै गरेको बस हेम्जामा दुर्घटना हुनुपर्नेमा अन्यथा भएकोमा सच्चाइएको छ । त्यसबाट पाठक वर्गमा पर्न गएको असुविधा प्रति क्षमा प्रार्थी छौं ।
–सम्पादक
–सम्पादक
