बागलुङ, १७ मंसिर
सिम्रिक कृषि तथा पशु व्यवसायिक सहकारी संस्था लि. बागलुङको व्यवस्थापनमा शुक्रबारदेखि बागलुङको भीमापोखरामा वृहत कृषि मेला प्रदर्शनी एवं निःशुल्क पशु स्वास्थ्य तथा बाँझोपन निवारण शिविर सुरु भएको छ ।
जिल्ला कृषि विकास कार्यालय, जिल्ला पशु सेवा कार्यालय र रोटरी क्लब अफ बागलुङको आर्थिक एवं प्राविधिक सहयोगमा जिल्लाको भीमापोखरा, धम्जा, पाला र बागलुङ नगरपालिकाको वडा नम्बर ६ र ७ लाई समावेश गरी शिविर संचालन गरिएको सिम्रिक कृषि तथा पशु व्यवसायिक सहकारीका अध्यक्ष मनिभद्र शर्माले जानकारी दिनुभयो ।
शिविरको पहिलो दिन वडा स्तरी भजन प्रतियोगीता सम्पन्न भएको छ । प्रतियोगीतामा हातेमालो महिला समूह भीमापोखरा–१ प्रथम, गणेश महिला समूह भीमापोखरा–८ द्धितीय र श्रीगणेश महिला समूह भीमापोखरा–४ तृतीय भएको भजन प्रतियोगिता कार्यक्रमका संयोजक विद्यापति शर्माले जानकारी दिनुभयो ।
कृषि प्रर्दशनीको लागि हालसम्म एक सय ३० प्रजातिको कृषि उपजको दर्ता भएका छन् ।
ग्रामिण क्षेत्रका कृषकहरुलाई प्रोत्साहन गर्न र ग्रामिण क्षेत्रमा गरिने कृषिहरुलाई बजारीकरण गर्न सहयोग पु¥याउने उद्देश्यीयले उक्त कार्यक्रम आयोजना गरिएको सहकारीका सहसचिव खिम बहादुर कार्कीले बताउनुभयो ।
कार्यक्रममा भीमापोखरा, धम्जा, पाला र बागलुङ नगरपालिकाको वडा नम्बर ६ र ७ का कृषकहरुले आफुले उत्पादन गरेका कृषि सामाग्रिहरु प्रदर्शनको लागि नामदर्ता गरेका छन् । उक्त प्रदर्शनीमा उत्कृष्ट ठहरिएका कृषि बस्तुहरुलाई पुरस्कृत गरिने सहकारीका सहसचिव कार्कीले बताउँनुभयो । शिविरमा घरपालुवा पशुहरुको बाँझोपन तथा विभिन्न रोगहरुको समेत उपचार गरिने बताइएको छ ।
सहकारीले अघिल्लो वर्षपनि भीमापोखरामा कृषि मेला प्रदर्शन गरेको थियो । सहकारीले कृषकहरुको मनोभावमा परिवर्तन ल्याउन र कृषिमा यान्त्रिकीकरण र कृषिको बजारीकरण गर्नको लागि सहयोग गर्दै आएको छ ।
