बागलुङ, ९ मंसिर । दोस्रो अन्तर कलेज स्तरीय फुटसल प्रतियोगिताको उपाधि फ्युचर ब्राइटर आवासिय माध्यमिक विद्यालयले जितेको छ ।
हाइकर्स युनाईडेट बागलुङको आयोजनामा सम्पन्न प्रतियोगिताको फाइनल खेलमा शनिबार फ्युचरले विद्यामन्दिर माध्यमिक विद्यालयलाई ४–३ गोलअन्तरले पराजित गर्दै उपाधि चुमेको हो ।
शनिबार नै भएको पहिलो सेमिफाइनल खेलमा विद्यामन्दिर माध्यमिक विद्यालयले चिल्ड्रेन लाईफ इङ्गलिस बोर्डिङ स्कुल (सेतो) र दोस्रो सेमिफाइनल खेलमा फ्युचर ब्राइटर आवासिय माध्यमिक विद्यालय (ए)ले चिल्ड्रेन लाईफ इङ्गलिस बोर्डिङ स्कुल (रातो)लाई पराजित फाइनल प्रवेश गरेका थिए ।
प्रतियोगिताको विजेता फ्युचरले नगद नगद २२ हाजर २ सय २२ रुपैयाँ सहित ट्रफि, मेडल र प्रमाणपत्र प्राप्त गर्योभने उपविजेता विद्यामन्दिरले नगद ११ हजार १ सय ११ रुपैयाँ सहित ट्रफि, मेडल र प्रमाणपत्र प्राप्त गरेको छ । शुक्रबारदेखि सुरु भएको प्रतियोगितामा ८ वटा विद्यालयका १८ टिमले सहभागिता जनाएका थिए ।
