बागलुङ, ७ मंसिर । दोस्रो अन्तर कलेज स्तरीय फुटसल प्रतियोगिताको सेमिफाइल समिकरण पुरा भएको छ । हाइकर्स युनाईडेट बागलुङको आयोजनामा शुक्रबारदेखि सुरु भएको पहिलो दिन समुह चरण र क्वाटरफाइनलका खेलहरु सम्पन्न भएका छन् ।
प्रतियोगितामा चिल्ड्रेन लाईफ इङ्गलिस बोर्डिङ स्कुल (सेतो) र (रातो), विद्यामन्दिर माध्यमिक विद्यालय र फ्युचर ब्राइटर आवासिय माध्यमिक विद्यालय (ए) सेमिफाइनलमा प्रवेश गरेको हाइकर्स युनाईटेडका सचिव रोहन जिसीले बताए । सेमफाइनल र फाइनल खेल शनिबार हुनेछन् ।
शनिबार पहिलो सेमिफाइनल खेल विहान ९ बजे चिल्ड्रेन लाईफ इङ्गलिस बोर्डिङ स्कुल (सेतो) र विद्यामन्दिर माध्यमिक विद्यालय विच हुनेछभने दोस्रो सेमिफाइनल खेल विहान ९ः३० बजे फ्युचर ब्राइटर आवासिय माध्यमिक विद्यालय (ए) र चिल्ड्रेन लाईफ इङ्गलिस बोर्डिङ स्कुल (रातो) विच हुने सचिव जिसीले बताए ।
प्रतियोगिताको विजेताले र उपविजेताले क्रमशः नगद २२ हाजर २ सय २२ रुपैयाँ र नगद ११ हजार १ सय ११ रुपैयाँ सहित ट्रफि, मेडल र प्रमाणपत्र प्राप्त गर्ने हाइकर्स युनाईटेडका अध्यक्ष धिरन मगरले बताए । प्रतियोगितामा ८ ओटा विद्यालयका १८ टिमले सहभागिता जनाएका छन् ।
