बागलुङ, २३ कार्तिक । बागलुङको ढोरपाटनमा जीप दुर्घटना हुँदा चालकको घटनास्थलमै मृत्यु भएको छ ।
शुक्रबार साँझ बुर्तिबाङदेखि घोसातर्फ जाँदै गरेको लु १ च ६९३८ नम्बरको पिकअप जीप ढोरपाटन नगरपालिका–३ टारीबान्द्रे भिर स्थित भित्री सडक खण्डमा दुर्घटना भएको जिल्ला प्रहरी कार्यालय बागलुङले जनाएको छ । दुर्घटनामा सवारी चालक ढोरपाटन नगरपालिका–३ पुर्कोट बस्ने ३६ बर्षीय किसान बिकको घटनास्थलमै मृत्यु भएको जिल्ला प्हरी कार्यालय बागलुङका प्रहरी नायव उपरीक्षक (डिएसपि) विजय यादवले जानकारी दिए ।
जीप सडकदेखि ५०० मिटर तल बडिगाड खोलामा खसेको छ । जीपमा चालक मात्र सवार रहेको डिएसपि यादवले बताए ।
