मिसन २०८४ होइन, भिजन ९५ भनौं : कांग्रेस महामन्त्री शर्मा

बागलुङ, ३० मंसिर । नेपाली कांग्रेसका महामन्त्री बिश्वप्रकाश शर्माले देश बिकासको लागि मिसन २०८४ होइन भिजन २०९५ भन्नुपर्ने बताएका छन ।

नेपाली कांग्रेस प्रतिनिधि सभा क्षेत्र नम्बर २ बागलुङको क्षेत्रीय सम्मेलनमा बोल्दै महामन्त्री शर्माले नेकपा एमाले अध्यक्ष केपी शर्मा ओली र रास्वपा प्रती ईगींत गर्दै ८४ मात्रै नभई यस अघी र पछि पनि चुनाव हुने बताए । ‘मिसन २०८४ किन भन्ने ? चुनावको बेलै नआइ किन मिसन भन्नुपर्यो’, उनले भने,’जनताले मिसन २०८४ भन्नेहरुलाई जहिले चुनावको चिन्ता गर्छौ, तिम्ले देश बिकासको चिन्ता कहिले गर्छौ ? भनेर प्रश्न गर्नुपर्छ ।’

उनले ६ कक्षामा अध्ययन गर्ने छोराछोरीलाई चार बर्ष पछि आउने एसईईको बारेमा तयारी गर्न लगाउन नहुने बताए । ‘चार बर्षपछिको लागि तयारी नभई अहिलेको लागि नै तयारी गर्नुपर्छ,’ शर्माले भने,’अब्बल बिद्यार्थी त्यो होईन जसले परिक्षाको चिन्ता गर्छ, अब्बल त्यो हो जसले पढाईको चीन्ता गर्छ ।’

उनले देशको चिन्ता गर्नुपर्ने र त्यसको लागि भिजन २०९५ को लागि सबै दलले तयारी गर्नुपर्ने बताए । ‘देश भुकम्पिय जोखिममा छ । त्यसैले भिजन २०९५ को तयारी गरेर भुकम्पिय जोखिममा रहेको देशमा ७ रेक्टरको भुकम्प आएपनि १ वटा पनि घर भत्किदैन भन्ने गराउँ, शर्माले भने,’ भिजन २०८४ होइन भिजन आत्मसम्मानको होस् ।’ मिसन ०८४ नभई भिजन ९५ भनेर देशका लागि दलहरूले काम गर्नु आगामी १५ बर्षमा देशलाई कुन ठाउ सम्म पुयाउने भनेर लाग्नु पर्ने शर्माले बताए । शर्माले जनतले अब नयाँ दल होइन नयाँ भिजन खोज्नुपर्ने बताए ।

शर्माले देशमा केही नभएको हल्ला गरेपनी बिकास भइरहेको बताए । ‘देश बिकासको लागि अझै गर्नुपर्छ र गर्न सकिन्छ,’ शर्माले भने,’गाली मात्र गरेमा देश बन्दैन समन्वय गरेर मात्र देश बन्छ ।’ उनले देश बिकासको लागि काङ्रेसले सबैलाई समन्वय गरेर जाने बताए ।

शर्माले राजा हुँदा देशको ९ प्रतिशत नागरिकका घरमा पुगेको विद्युतीकरण अहिले ९५ प्रतिशत नागरिकसम्म पुगेको भन्दै शर्माले यो व्यवस्थामा केही पनि भएन भन्ने गलत भएको बताए । नेपालको समृद्धिमा यहाँका नागरिकलाई मालिक बनाउनेगरी योजनाको विकास सक्नुपर्ने उनको भनाई छ । ‘हामीले यहाँको माथिबाट बग्ने उत्तरगंगा हाइड्रो पावर बनाउँदै गर्दा झापाको विश्वप्रकाशले सेयर हाल्ने तर यहाँका नागरिकले बत्ती मात्रै देख्ने होईन यहाँका नागरिकले पनि सेयर हालेर त्यसबाट आम्दानी हुन थालेपछि आफ्नो अरबमा रहेको छोरालाई घर फर्क भन्ने वाताबरण बनाउनुपर्छ,’ उनले भने,‘हामीले खोजेको समृद्धिमा सबै जनता मालिक हुने हो ।’

स्थानीय सरकारको रुपमा काठमाडौं र धरानका चर्चा गरिरहँदा ललितपुरलाई पनि भुल्न नहुने बताए । ‘बालेनजीले राम्रै काम गर्नुभएको छ, काँग्रेसको मञ्चबाट उहाँको कामको प्रशंसा गर्दा फरक पर्दैन, हर्क साम्पाङले पानी ल्याउनुभएको छ,’ उनी भन्छन्,‘यति भन्दै गर्दा नेपाली काँग्रेसबाट निर्वाचन जितेका ललितपुरका चिरीबाबु महर्जनले पनि राम्रो काम गर्नुभएको छ । त्यसलाई भुल्न हुँदैन ।’

एक जवाफ छोड्न

Please enter your comment!
Please enter your name here