बागलुङ, १३ असोज । गायिका सुस्मा बि.सी.को आवाज रहेको गीत “शीरको फूल”को म्यूजिक भिडियो सार्वजनिक भएको छ । रिअल पिक्चरस प्रा.लि.को निर्माणमा बनेको गीतको म्यूजिनक भिडियो शुक्रबार सार्वजनिक भएको हो ।
गीतमा शब्द र संगीत भोजेन्द्र अधिकारीको रहेको छभने राम बास्तोलाले भिडियोको निर्देशन गरेका छन् ।
गीतमा प्रेम पछिको विछोड र प्रेम वियोगले बुढेसकालसम्म दिएको चोट र पिंडालाई मार्मिक ढंगले चित्रण गरिएको छ । निकै मार्मिक कथाबस्तु रहेको गीतको म्युजिक भिडियोमा काठेखोला गाउँपालिका–४ तंग्राम, बागलुङका नवउदयीमान कलाकार चन्द्रमा विश्वकर्मा र साहिल गायकले अभिनय गरेका छन ।
म्युजिक भिडियोमा मुख्य कलाकारको रुपमा रहेकी कलाकार चन्द्रमा विश्वकर्माकी आफ्नी स्वर्गीय आमा सस्ती विश्वकर्मालाई समर्पण गरिएको उक्त सांगीतिक कृति झट्ट हेर्दा जो कुनैलाई पनि कुनै सटमुभी जस्तै लाग्दछ । पोखराको घाचोकमा छायांकन गरिएको गीतको म्युजिक भिडियोमा रोहित गायक, पदम बहादुर बस्ताकोटी, दिप्ना रसाइली (काठेखोला–८ लेखानी बागलुङ), महादेव अधिकारी, कृष्ण सिर्पाली, सनम थापा मगर, यज्ञ बहादुर गायक र काठेखोला–३ धम्जा, बागलुङका गजल विश्वकर्माको समेत अभिनय रहेको छ ।
