काँग्रेस बागलुङको सभापतिको लागि तीन जनाको उम्मेदवारी दर्ता

बागलुङ, ११ मंसिर । नेपाली काँग्रेसको १४ औं महाधिवेशन अन्तरगत बागलुङ जिल्लाको नेतृत्वको लागि तीन जनाको उम्मेदवारी दर्ता भएको छ ।

जिल्ला सभापति पदको लागि शुक्रबार जगदिशचन्द्र उपाध्याय, जित शेरचन र दोर्ण कुँवरले उम्मेदवारी दिएको निर्वाचन अधिकृत विष्णु प्रसाद शर्माले जानकारी दिए ।

सभापतिमा उम्मेदवारी दिएका उपाध्यय काँग्रेसका बरिष्ठ नेता रामचन्द्र पौडेल समूहका हुन्भने, शेरचन कृष्णप्रसाद सिटौला समूहका र कुँवर पार्टी सभापति शेरबहादुर देउवा समूहका हुन् । उपाध्याय र शेरचनलाई प्यानल बनाएर उम्मेदवारी दर्ता गराएका छन्भने कुँवरले एक्लै उम्मेदवारी दर्ता गराएका छन् ।

सभापतिका उम्मेदवार उपाध्यायलाई बागलुङ क्षेत्र नम्बर १ का कृष्णप्रसाद सिटौला र गगन थापा समूहले सहयोग गरेको छभने सिटौला समूहका शेरचनलाई बागलुङ क्षेत्र नम्बर १ का शेर बहादुर देउवा समूहका नेताहरुले सहयोग गरेका छन् ।

सभापतिका उम्मेदवार उपाध्याय जिल्ला तहमा लोकप्रिय नेताको रुपमा चिनिन्छन । उपाध्यायले नेपाल विद्यार्थी संघ, नेपाल तरुणदल हुँदै जिल्ला सदस्य, सहसचिव हुँदै उपसभापति भएका थिए । उपाध्यायले केही समय कार्यबाहक सभापति भएर जिल्लाको नेतृत्व समेत समालेका थिए ।

सभापतिका अर्का उम्मेदवार शेरचन पश्चिम बागलुङका नेता हुन । उनी यस अघि बागलुङ क्षेत्र नं. २ प्रदेश सभा ‘ख’ को प्रदेश सभा निर्वाचन र उपनिर्वाचनमा दुई पटक प्रदेश सभा सदस्यमा समेत उम्मेदवार बनेका थिए । सभापतिका अर्को उम्मेदवार कुँवर नेपाली काँग्रेसका निवर्तमान क्षेत्रीय सभापति हुन । शेरचन र कुँवर दुवै एउटै क्षेत्रका हुन ।

जिल्ला सभापति सहित उपसभापति दुई जना सचिव दुई जना र सहसचिव दुई जनामा पदाधिकारीमा निर्वाचित हुने छ । जिल्ला उपसभापतिमा उपाध्यायको समुहबाट नारायण शर्मा पौडेल, र तारानाथ पौडेलको उम्मेदवारी परेको छ भने शेरचनको समुहबाट खिमानन्द पौडेल र महेन्द्र आचार्यले उम्मेदवारी दिएका छन ।

त्यसैगरी कुँवरको समुहबाट सागर छन्त्यालको उम्मेदवारी परहेको छ भने उपसभापति मै पुर्णबहादुर पौडेलले पनि आफ्नो उम्मेदवारी दिएका छन । सचिवमा हरिहर शर्मा र कृष्ण केसी उपाध्यायको समुहमा छन भने चिरञ्जीवी गौतम र गण्डकी थापा अधिकारी शेरचनको समुहमा छन । सहसचिमा ज्ञानकुमारी श्रीष शर्मा, ज्ञानेन्द्र गौतम र फम बहादुर खत्रीले उम्मेदवारी दिएका छन । श्रीष उपाध्याय पक्षको एक्लो उम्मेदवार हुन भने खत्री र गौतम शेरचन पक्षको उम्मेदवार हुन ।

जिल्ला सदस्यका लागि प्रत्येक नगरपालिकाबाट २ जना खुल्ला र एक जना महिला गाउँपालिकाबाट १ जना खुल्ला र २ जना महिला हुने छन भने खस आर्य महिला ३ खुल्ला ३ आदिवासी जनजाती महिला २ खुल्ला ३ दलित महिला २ खुल्ला २ र अल्पसंख्यक अपाङ्गमा १ जना निर्वाचित हुने छन ।

एक जवाफ छोड्न

Please enter your comment!
Please enter your name here