
काठमाडौं, २६ भदौ । सुसारे (केयर गिभर)को रूपमा इजरायल जानका लागि आवेदन दिएका मध्ये दुुई हजार ६९६ को आवेदन अस्वीकृत भएको छ ।
वैदेशिक रोजगार विभागले साउन १२ देखि ३२ गतेसम्म अनलाइनमार्फत परेका १० हजार आवेदनको रुजु गर्ने क्रममा ती आवेदन अस्वीकृत गरिएको हो ।
तोकिएको मापदण्ड तथा योग्यता नपुगेका कारण आवेदन अस्वीकृत भएको विभागका महानिर्देशक दीपक काफ्लेले जानकारी दिए । उनका अनुसार इजरायलका लागि एक हजार जनाको माग भएकोमा अनलाइनमार्फत नौ हजार ६९९ जनाको आवेदन परेको थियो । गोरखापत्रमा खबर छ ।








