कुश्मीसेरामा जीप दुर्घटनाः १३ घाईते, चारको अवस्था गम्भिर (घाईतेहरुको नाम सहित)

बागलुङ, १४ मंसिर ।
बागलुङको जैमिनी नगरपालिका–१ कुश्मीसेरामा पिकअप भ्यान दुर्घटना हुँदा १३ विद्यार्थी घाईते भएका छन् ।
बरेङ गाउँपालिकाबाट बलेवाका लागि छुटेको ध १ ज २०७ नम्बरको पिक अप भ्यान कुश्मीशेरामा दुर्घटना हुँदा धौलागिरी पोलिटेक्नीक इन्टिच्युटमा अध्ययरत विद्यार्थी घाईते भएका हुन ।

घाईते मध्ये ४ जनाको अवस्था गम्भिर रहेको प्राथमिक स्वास्थ्य केन्द्र कुश्मीसेराले जानकारी दिएको छ । स्वास्थ्य केन्द्रमा प्राथमिक उपचारपछि धौलागिरी अंचल अस्पतालमा पठाएको जैमिनी नगरपालिकाका स्वास्थ्य शाखा प्रमुख गोविन्द आचार्यले जानकारी दिनुभयो ।
गम्भिर घाईते जुम्ला घर भएकी बर्ष १९ की उमा उपाध्याय, कैलाली घर भएका बर्ष १९ की दिललामा सिह ठकुरी, पर्वत जिल्ला घर भएकी बर्ष १७ की प्रमिला परियार र सर्लाही घर भएका बर्ष २० का पृथ्वी नारायण शाहको धौलागिरि अञ्चल अस्पतालमा उपचार भैरहेको जिल्ला प्रहरी कार्यालय बागलुङले जनाएको छ ।

त्यसैगरि अन्य घाइते जुम्ला घर भएका बर्ष २१ का रामशंकर न्यौपाने, हुम्ला घर भएका बर्ष १८ का जिवन राहुत, बागलुङ घर भएकी बर्ष १८ की पुजन मल्ल ठकुरी, गोर्खा घर भएकी बर्ष १९ की एञ्जीला गुरुङ, सर्लाही घर भएका बर्ष १८ का सुनिल महत, सिराहा घर भएका बर्ष २१ का नरेशकुमार यादव, हुम्ला घर भएका बर्ष १८ का छोजम रोका, जुम्ला घर भएकी बर्ष १८ की प्रिति न्यौपाने र बाके घर भएकी बर्ष १८ की मंगला मल्लको पनि अञ्चल अस्पतालमा उपचार भैरहेको छ ।


पिकअप भ्यान सडकमा पल्टीएको प्रहरी चौकी कुश्मीशेराका प्रमुख अमृत बगरले बताउनुभयो । घाईते यात्रुहरुका अनुसार बलेवामा रहेको धौलागिरी पोलिटेक्नीक इन्टीच्युटमा अध्ययनरत बिद्यार्थी बरेङ गाउँपालिकामा स्थलगत अध्ययनको लागि पुगेर फर्किएका थिए ।

एक जवाफ छोड्न

Please enter your comment!
Please enter your name here