चर्चित गायक राज सिग्देलको उपस्थितिमा कोरियामा गजल मुशायरा हुँदै

112

सौल कोरिया, १ माघ ।
अन्तर्राष्ट्रिय नेपाली साहित्य समाज दक्षिण कोरिया च्याप्टरले आगामी फेब्रुअरी १६ का दिन गजल मुशायरा आयोजना गर्ने भएको छ ।
चर्चित गजल गायक राज सिग्देलको विषेश आतिथ्यतामा उत्कृष्ट गजलकारहरू मुशायरामा प्रस्तुत गरिने आयोजकले जानकारी दिएको छ ।
अनेसास काेरिया च्याप्टरले श्रृङखलाबद्ध रुपमा संचालन गर्दै आएको ‘काव्य-सुधा’को पाँचौं श्रृङखलाको रूपमा गजल मुशायराको आयोजना हुन लागेको च्याप्टरका अध्यक्ष प्रमाेद सारंगले बताउनुभयाे । चर्चित गजल गायक राज सिग्देलले अनेसास कोरिया परिवारद्वारा तयार गरिएको गजल एल्बममा संग्रहित गजलहरू समेत गाउने आयोजकले बताएको छ ।
दक्षिण काेरियाकाे राजधानी साैलकाे दाेङ्देमुन स्थित नेपाल हाउसमा संचालन गरिने मुशायरामा पाँच गजलकारकाे विशेष प्रस्तुति रहनेछ भने त्यहाँ उपस्थित सबै सर्जकहरूद्वारा रचनावाचन समेत हुनेछ । सोही क्रममा चर्चित स्रस्टाहरूका गजल समेटी अनेसास कोरिया च्याप्टरद्वारा तयार पारिएको गजल एल्बम ‘लय’ को विमोचन समेत गरिने भएको छ ।
गजल मुशायरामा गजलकारहरू गाेपीकृष्ण लामिछाने , जनक सन्याल, राज सुवेदी विवश, राम कँडेल अधीश र रामचन्द्र शर्मा ‘अार.सी’ले अाफ्ना गजलहरू वाचन गर्नेछन् । काव्य-सुधाका विगतका शृङ्खलाहरूमा जस्तै यसपटक पनि उपस्थित दर्शकहरूले असली शेरहरूको स्वाद लिन पाउने आयोजकको दाबी छ । च्याप्टरले यसअघि कविता, गजल र मुक्तकका एक-एक श्रृङखला गरिसकेकाे छ भने हालै मात्र विश्वव्यापी खुला कविता प्रतियोगिता पनि सम्पन्न गरेकाे छ ।