छबिलाल पाण्डे
बुर्तिबाङ १७ भदौ
शुक्रबार बुर्तिबाङ स्थित बडीगाड खोलामा नुहाई धुवाँई गर्ने क्रममा बगेर एक जनाको मृत्यु भएको छ ।
दर्लिङ गाविस वडा न ६ घर भै हाल बुर्तिबाङ बजार स्थित प्रभु बैँकमा सेक्युरीटी गार्डमा कार्यरत ५६ बर्षिय टेक बहादुर पुनलाई बिहान करीब १० बजे बडीगाड खोलाले बगाएको हो ।
स्थानीयबासी र ईलाका प्रहरी बुर्तिबाङको टोलीले निज पुनको खोजी गर्ने क्रममा भिङगिठे गविसमा बडीगाड खोलाको किनार बगरमा दिउँसो २ बजेको समयमा शब फेला पारेको थियो ।
नदी किनारमा कपडा धुँदै गरेको अबस्थामा जुत्ता बगाएपछि समात्न जाने क्रममा पुनलाईनै बगाएको प्रत्यक्षदर्शीले बताएका छन् ।
