बागलुङ, ५ असोज । चट्याङ लागेर बागलुङमा एक जनाको मृत्यु भएको छ ।
घरभित्रै बसिरहेको अवस्थामा चट्याङ लागेर शुक्रबार राती निसीखोला गाउँपालिका वडा नम्बर ३ किटनीकी २४ वर्षीया रजना बुढाको ज्यान गएको इलाका प्रहरी कार्यालय झिँवाखोलाले जनाएको छ ।
चट्याङबाट घरको बिजुलीको मिटर बक्स जलेको र घरमै रहेका २ वर्षिय छोरी र सासु सकुशल रहेको इप्रका झिँवाखोलाका प्रहरी वरिष्ठ हबल्दार केशब बुढाथोकीले जानकारी दिए ।
चट्याङबाट भएको क्षतिबारे अनुसन्धान भईरहेको प्रहरीले जनाएको छ ।
