अर्जुन कार्की ।
बागलुङ, २६ जेठ । गण्डकी प्रदेशस्तरीय पुरुष फुटबल प्रतियोगितामा बागलुङले विजयी सुरुवात गरेको छ ।
शनिबार पोखरा रङ्गशालामा भएको खेलमा बागलुङले पर्वतविरुद्ध ४–० गोलअन्तरको सहज जित निकाल्दै सेमिफाइनलको यात्रा गरेको हो ।
बागलुङको लागि आयुस खड्काले ह्याट्रिक र निश्चल महतले एक गोल गरे । पहिलो हाफ गोलरहित बराबरीमा सकिएपनि बागलुङले दोस्रो हाफमा उत्कृष्ट खेल प्रस्तुत गर्दै सहज जित निकालेको हो ।
बागलुङको लागि खेलको ४२ औं मिनेटमा गोल गर्दै आयुस खड्काले अग्रता दिलाएका थिए । खड्काले नै खेलको ४९ औं मिनेटमा गोल गर्दै आफ्नो र टिमको अग्रता दोब्बर बनाए ।
बागलुङका निश्चल महतले खेलको ७१ औं मिनेटमा गोल गर्दै अग्रता तेब्बर बनाएका थिए । आयुसले खेलको ७८ औं मिनेटमा गोल गर्दै प्रतियोगितामा आफ्नो पहिलो ह्याट्रिक पुरा गरे ।
यहि जेठ २८ गते सम्म सञ्चालन हुने प्रतियोगिता गण्डकी प्रदेशका १० जिल्लाको सहभागिता रहेको छ ।
नकआउटका आधारमा सञ्चालित प्रतियोगिता अन्तरगत आईतबार सेमिफाइनल खेल हुनेछन् । बागलुङले फाइनल प्रवेशको लागि आईतबार पहिलो सेमिफाइनल खेलमा तनहुँ र लम्जुङ विचको खेलको विजेता टिमसँग खेल्ने छ ।
