बागलुङ, २८ कार्तिक । धौलागिरीको पहिलो बिद्युतिय संचार माध्यम धौलागिरि एफएफ ९८ दशमलव ६ मेगाहर्जको १९ औ बार्षिकोत्सव बिभिन्न कार्यक्रम गरि मनाइएको छ ।
२०६१ साल कार्तिक २७ गते धौलागिरिमा नै पहिलो पटक संचालनमा आएको एफएफ बिभिन्न आरोह अवरोह पार गर्दै १९ बर्ष पुरा गरि २० बर्षमा बर्षमा प्रवेशको अवसरमा बिभिन्न कार्यक्रम गरि १९ औ बार्षिकोत्सव सम्पन्न गरेको हो ।
त्रिदिवसीय कार्यक्रममा साथ मनाउन शुरु गरेको एफएमले कार्यक्रमको अन्तिम दिन मुल समारोह सहित, सम्मान, देउसीभैलो र बिम्व दर्पण नाटक प्रस्तुत गरेको थियो । मुल समारोहको उद्घाटन गर्दै बागलुङ नगरपालिकाका नगर प्रमुख बसन्तकुमार श्रेष्ठले धौलागिरि एफएमको निष्पक्षताले आजसम्मको यात्रा तह हुन सम्भव भएको बताए ।
उनले धौलागिरिको जेठो एफएम भएको हिसावले अझै पनि परिस्कृत हुदै आगाडि बढ्नुपर्नेमा जोड दिए ।
कार्यक्रममा नेकपा एमालेका अध्यक्ष हिराबहादुर केसी, बानपा २ का वडा अध्यक्ष सुरज बोसेल र बागलुङ उद्योग बाणिज्य संघका बरिष्ठ उपाध्यक्ष राजनकुमार शाक्यले शुभकामना मन्तव्य व्यक्त गरेका थिए ।
सो अवसरमा नियमित स्रोताको रुपमा बानपा २ निवासी मदन शर्मा, नियमित बिज्ञापनदाताको रुपमा बानपा ३ स्थित रोशन टेन्ट हाउस र उत्कृष्ट कर्मचारीको रुपमा प्राविधिक तथा प्रस्तोता दिनेश बिकल्पलाई सम्मान गरिएको थियो । साथै, मैत्रीपूर्ण फुटसलका बिजेता र उपबिजेतालाई प्रमाणपत्र प्रदान गरिएको थियो ।
कार्यक्रम धौलागिरि एफएम प्रालिका अध्यक्ष हरिनारायण गौतमको अध्यक्षता, स्टेशन प्रम्ुख उमाकान्त शर्माको स्वागत, सम्पादक ताराप्रसाद शर्मा र प्राविधिक प्रमुख कृष्ण संयोगको संचालनमा सम्पन्न भएको थियो ।
