गण्डकीमा कोरोना संक्रमितको संख्या २७ पुग्यो

बागलुङ, १९ जेठ ।
गण्डकी प्रदेशमा कोरोना संक्रमितको संख्या २७ पुगेको छ ।

गण्डकी प्रदेश स्वास्थ्य निर्देशनालयले आज विहान ६ बजे जारी गरेको बिज्ञप्तिमा नवलपरासी (बर्दघाट सुस्ता पूर्व) कावासोती नगरपालिकाका २ जना र बिनयत्रिवेणी गाउँपालिका १ जनामा कोरोना भाइरसको संक्रमण पुष्टि भएको छ ।

निर्देशनालयका निर्देशक डा.विनोद विन्दु शर्माका अनुसार कावासोती नगरपालिकास्थित क्वारेन्टाइनमा रहेका सोही ठाउँका वर्ष २२ र ३६ का २ जना पुरूष तथा बिनयत्रिवेणी गाउँपालिकाका १४ वर्षीय बालकमा कोरोना पुष्टि भएको छ ।

उनीहरुलाई नवलपरासी (बर्दघाट सुस्ता पूर्व) को जिल्ला अस्पताल लैजाने तयारी भएको उनले जानकारी दिए ।

गण्डकी प्रदेशका ११ जिल्ला मध्य बागलुङमा ८ जना, स्याङ्जामा ७ जना, नवलपरासीमा ९ जना, तनहुँमा १, म्याग्दीमा १ र लमजुङमा १ जनालाई कोरोना संक्रमण पुष्टी भएको हो । संक्रमित पुष्टी भएका अधिकांश विदेशबाट आएकाहरु रहेको गण्डकी प्रदेश स्वास्थ्य निर्देशनालयले जनाएको छ ।

निर्देशनालयकाअनुसार गण्डकी प्रदेशका विभिन्न जिल्लामा संकलन गरिएको स्वाब पोखरा स्वास्थ्य विज्ञान प्रतिष्ठान, पोखराको प्रयोगशाला तथा भरतपुर अस्पताल चितवनको प्रयोगशालामा परीक्षण गरिदै आएको छ । संक्रमित २७ जना मध्य हालसम्म तीन जना निको भएर घर फर्किएका छन् । चैत पहिलो साता बेल्जियमबाट आएका बागलुङका १९ वर्षी युवती, ६५ वर्षीय महिला र लमजुङ स्थायी घर भई काठमाडौंमा संक्रमण पुष्टी भएका तीन वर्षीय बालक निको भई घर फर्कीसकेका छन् ।

एक जवाफ छोड्न

Please enter your comment!
Please enter your name here