अर्जुन कार्की/ खबर ‘वे’
बागलुङ, १५ साउन/ लायन्स क्लब अफ बागलुङले आफ्नो वार्षिक कार्यायोजना अनुसार शनिबार बानपा–१ बाङ्गेचौर स्थित सहिद स्मृति पार्कमा वृक्षरोपण गरेको छ ।
क्लबले पार्कलाई स्वच्छ र हराभरा बनाउने उद्देश्यले श्रीस, असोक, थुपी, सुर्यमुखी फुल, कपुरी, बेल आदीका १ सय वटा विरुवा रोपिएको क्लबका अध्यक्ष दुर्गा कुवँरले बताए ।
वृक्षरोपण पछि बोल्दै बागलुङ नगरपालिकाका कार्यकारी अधिकृत युवराज अधिकारीले लायन्स क्लब अफ बागलुङले पार्कमा गरेको वृक्षरोपणले पार्कको सौन्दर्यलाई अझ मझबुज बनाउने बताएका थिए । उनले पार्कको संरक्षण र स्वच्छ र हराभराका लागि क्लब र नगरपालिका सधै एक भएर लाग्ने बताएका थिए ।
यस्तै उक्त वृक्षरोपण कार्यक्रममा लायन्य अफ द धौलागिरी देव बहादुर श्रेष्ठ र लायन्स क्लब अफ बागलुङका जिल्ला समिति सदस्य सुभाष आचार्यले शुभकामना मन्तव्य व्यक्त गरेका थिए ।
