म्याग्दी, १३ साउन/ बेनी नगरपालिका–१३ मा कुकुरा बोक्ने जीप दुर्घटना भएको छ । सदरमुकाम बेनीबाट तातोपानी गएको जीप घुमाउने भीरमा ब्याक गर्ने क्रममा म्याग्दी खोलामा खसेको स्थानीय कुमार केसीले बताए । जीपसंगै खसेका बावियाचौर–८ का चालक विनोद केसीको घाईते अवस्थामा उद्धार गरिएको छ ।
म्याग्दी खोलामा रहेको जीपबाट घाईते अवस्थामा बाहिर निस्किएका केसीलाई उपचारका लागि जिल्ला अस्पताल ल्याइएको छ । बावियाचौरका कुमार अधिकारीको बोलेर जीप ब्याक गर्ने क्रममा चिप्लिएर खोलामा खसेको थियो । जीपमा अन्य केही सवार रहेको नरहेको भन्ने बारेमा अझै खुल्न सकेको छैन् । जिल्ला प्रहरी कार्यालयबाट एक टोली घटनास्थलमा पुगेको छ । जीप अझैपनि खोलामा देखिएपनि निकाल्न सक्ने अवस्थामा नरहेको घटनास्थलमा रहेका सर्वसाधारणले बताएका छन् ।
