भित्रैदेखि माया गर्ने कोहि, हुन्न शहरमा
अर्काको दुःखदेखि कोहि, रुन्न शहरमा
Padam Photo
पैले सोंच्थें शहरमा त, आँटेको काम पुग्छ
सपनादेखि शहर पस्न कोहि, हुन्न शहरमा
घुस खोरी कमिशन र, भ्रष्टाचारी बाहेक
ईमान्दारले टन्न अघा, उन्न शहरमा
सम्बन्धलाई घटाउन, भाग गर्न सजिलो
धेरै गाह्रो नाता जोड्न, गुन्न शहरमा
सहयोग त परै जाओस्, अप्ठेरोमा पर्दा
चाहँदा रै’न्छन् कोहि कुरै, सुन्न शहरमा
