बागलुङका तीन स्थान पर्यटकीय गन्तव्यको सूचीमा

गाजाको दह । तस्विरः आरके अदिप्तको फेसबुकबाट साभार ।

बागलुङ, १५ कार्तिक ।
सरकारले देशभरका पर्यटकीय गन्तव्यको सूची सार्वजनिक गरेको छ ।
संस्कृति, पर्यटन तथा नागरिक उड्डन मन्त्रालयले प्राकृतिक, पुरातात्विक, ऐतिहासिक सांस्कृतिक तथा धार्मिक दृष्टिका आधारमा नयाँ एक सय पर्यटकीय गन्तव्य छनोट गरेको हो ।
सरकारले सार्वजनिक गरेको पर्यटकीय गन्तव्यको सूचीमा बागलुङको कालीका मन्दिर, भैवस्थान, गाजा दह, ढोरपाटन शिकार आरक्षणलाई समावेश भएका छन् । सरकारले स्थापित तथा प्रवद्र्धन गर्नुपर्ने र नयाँ तथा विकास गर्नुपर्ने गरेर करिब दुई सय गन्तव्य पहिचान गरेको छ। जसमध्ये नयाँ गन्तव्यमात्र एक सय छन् ।

बागलुङ कालिका मन्दिर । तस्विरः अर्जुन कार्की

सूचीमा स्थापित र प्रवद्र्धन गर्नुपर्ने सूचीमा पर्वतको सालीग्राम सेतीवेणी, गुप्तेश्वर गुफा, दुर्लुङ्ग, क्यानोनिङ्ग, केभिङ्ग होमस्टे, महाशिला, मुस्ताङको मुक्तिनाथ, जोमसखोम, दामोदर कुण्ड, लोमान्थाङ दरबार र गुफा क्षेत्र, म्याग्दीको पुनहिल, तातोपानी, दाउन्नेदेवी, गलेश्वर मन्दिर, घोरेपानी, पर्यटकीय क्षेत्र, रद्युगंगा, रुईसेडाडादेखि धवलागिरी आईसफलसम्म पदमार्गलाई समावेश गरिएको छ ।
मन्त्रालयले विज्ञप्तिमार्फत् आर्थिक वर्ष २०७५÷७६ को बजेट वक्तव्यमा उल्लेख भए अनुसार पर्यटन प्रवद्र्धनका लागि नयाँ गन्तव्यको पहिचान तथा विकास गर्ने उल्लेख गरेको छ । मन्त्रालयले नयाँ पर्यटकीय गन्तव्यको विकासका लागि चालु आर्थिक वर्षमा विनियोजित बजेटबाट रकम बाँडफाँड हुने बताइएको छ ।
‘सूचिमा उल्लेखित नयाँ विकास गर्नुपर्ने गन्तव्यमा चालु आर्थिक वर्षमा विनियोजित बजेटबाट बाँडफाँड गरिने छ’, विज्ञप्तिमा भनिएको छ, ‘यसका अतिरिक्त थप प्रचारप्रसार गरी प्रवद्र्धन गरिने स्थापित मन्तव्यको समेत संलग्न सूची रहेको जानकारी सम्बन्धित सबैमा गरिन्छ।’