बागलुङ, १३ जेठ । राष्ट्रिय स्वतन्त्र पार्टी (रास्वपा) काठेखोला गाउँ कमिटीको सभापतिमा हरिबहादुर कार्की सर्वसम्मत निर्वाचत हुनुभएको छ ।
काठेखोला गाउँपालिका गाउँ कमिटीको मङ्गलबार सम्पन्न प्रथम अधिवेशनले कार्कीको अध्यक्षतामा नयाँ समिति गठन गरेको हो । समितिको उपसभापतिमा योगनाथ कँडेल, सचिवमा भरत सापकोटा, सहसचिवमा इमाया किसान र कोषाध्यषमा होम बहादुर थापा सर्वसम्मत निर्वाचित हुनुभएको छ ।
यस्तै, सदस्यहरुमा शारदा कुँवर, केशव मल्ल, ताराप्रसाद कंडेल, गोविन्द खत्री र मोहन सुनार सर्वसम्मत चयन हुनुभएको छ । ११ सदस्यीय समितिमा एक जना महिला सदस्यपछि थप गरिने रास्वपाले जनाएको छ ।
अधिवेशनले केन्द्रीय, प्रदेश र जिल्ला महाधिवेशनको लागि प्रतिनिधि चयन गरेको छ । केन्द्रीय महाधिवेशनको लागि पारश्वर कँडेल, प्रदेश प्रतिनिधिमा पूर्ण बहादुर क्षेत्री तथा जिल्ला प्रतिनिधिमा ओम प्रसाद न्यौपाने, याम कुमार नेपाली, केशव प्रसाद कंडेल र संगिता किसान चयन हुनुभएको छ ।
